aaj kal k jitne bhi smartphone ko aap dekhoge toh usme aapko camera mein koi mode dikhe ya na dikhe par aapko panorama mode toh jarror hi dikhega.
Panorama mode bohot hi jyada popular hai internet par. Panorama mode se photography karne k liye aapko bohot saare tareeke mil jayenge. Panorama mode ek creative tareeka hai photos ko click karne ka.
Panorama mode hota kya hai aur ye phone mein kis tarah se kaam karta hai ye saari cheejo ko hum aaj janenge. Panorama mode k baare mein jaan ne k liye ye article pura Jarror padhe.
Panorama mode kya hai?
Panorama mode aaj kal k smartphone ka ek aisa feature hai jiska istemal kiya jata hai wide angle photos ko click karne k liye. Ye kuch technical hogaya , chaliyea ise thodi asan bhasha mein smajhte hai.
Panorama ka agar hum hindi matlab nikale toh wo hai "चारो और का दृश्य" ya "Chitrakala". Panorama k hindi matlab ko padh kar aap isko samaj gaye honge. Jabhi aap apne phone mein camera open karte ho tab sabse pehle normal camera mode open hota hai. Aap jab camera mode ko change karte ho tab waha pe aapko panorama mode dikh jayega.
Panorama mode kab kaam aata hai?
Panorama mode ko aap tab istemal kar sakte hai jab aapko ek hi photo mein bohot jyada area ka photo click karna hota hai.
Maan Lo aap kisi badhiya si jagah par jaate ho. Ab agar aap us jagah ki photo click karte ho apne phone k normal mode se toh tab aap ye dekhoge ki normal mode se aap jyada area ki photo nahi click kar paoge.
Aapke phone k screen mein jitna area dikhega sirf utna hi photo mein aayegaa. Yani ki puri location ki photo click karne k liye aapko 3-4 alag alag photo click karna padega.
Isi problem ka solution hai panorama mode. Panorama mode mein aapko bas aapko phone ko utne area pe ghumana hai jitna aap photo lene chahte ho. Is se aapka perfect photo complete ho jaayega.
Panorama mode ko aap wide angle mode ki tarah samaj sakte hai. Par dono mein bas itna farak hai ki panorama mode wide angle mode se jyada advanced hai.
Panorama mode k istemal ko aap ek aur example se samajh sakte ho. Aap kisi building k pass khade ho aur aapko us building ki puri picture chahiye.
Ab kyunki building badi hai toh puri building ki photo click karna normal mode mushkil hai. Ya toh aap building se door chal jayega aur photo click kare par aisa karne pe building clear nahi aayegi, ya fir aap panorama mode istemal kare.
Panorama mode ko open kare niche se upar tak camera ko slide kare bas photo click ho jayegi. Toh aap samaj gaye honge ki panorama mode kaise situation mein kaam aata hai. Aap khud bhi normal mode se photo lekar aur panorama mode se photo click kar k dono photos ko compare kar k unke beech kitna farak hai ye dekh sakte ho.
Panorama mode phone mein kaise kaam karta hai?
Jis tarah panorama mode dusre camera mode se alag hai usi tarah is mode se click kiyea hue photo bhi dusre mode se alag hai. Panorama mode k photo dusre mode k mukable thode jyada lambe hote hai. Ab aisa kyu hota hai iske piche bhi ek karan hai.
Jab bhi aap apne smart phone mein panorama mode ko open karte ho tab aapko screen par ek arrow jarror dikhta hoga. Arrow jis direction mein hota hai aapko apne phone ko bhi usi direction mein ghumana hota hai.
Ab agar aap phone ko jaldi jaldi ghumaoge toh photo barobar nahi aayegi. Isliyea aapko arrow k direction mein phone ko dheere dheere ghumana hota hai.
Jab aap arrow k direction mein ghumate ho tab panorama continuously photo click karta jaata hai. Panorama mode mein ek aisa feature daala gaya hota hai ki jab aap ek direction se dusri direction mein ghumate move karte ho camera, toh is beech mein jitna bhi cheeje aayengi un sab k photos panorama mode ek ek kar k click karta jaata hai.
Iske baad aata hai second step joki sabse important hai. Panorama mode mein ek aisa software ka use kiya gaya hai joki click kiyea kia hua saare photos ko ek mein hi combine kar deta hai.
Jitne bhi clips hai joki click hue hai unme jo matching parts hai unko ye software mix kar deta hai. In sab k baad jo photo aapko milta hai usme pura area ka photo cover kiya hota hai.
Ab agar aap panorama se click kiyea hue photo ko dhyaan se dekhoge zoom kar k toh usme aapko kuch cheeje aisi milegi joki theek se mix nahi hui hogi.
Is se pata chalta hai ki panorama mode abhi utna advance nahi hua hai. Par phir ye bohot acche se kaam karta hai. Isse bohot acche photos click hote hai.
Toh ye thi kuch jankari panorama mode k upar. Mein ummed karta hu ki ye jankari aap k kaam aayegi. Aap panorama mode ko use karte ho ya nahi apne daily life mujhe comments mein jarror bataye.
0 Comments